18-20 სექტემბერს ვიურტემბერგის სამხარეო ეპისკოპოსი ფრანკ ოტფრიდ იული და ვიურტემბერგის სამხარეო ეკლესიის საეკლესიო მრჩეველი კლაუს რიტი საქართველოს ევანგელიურ-ლუთერულ ეკლესიას ესტუმრნენ. გაიმართა შეხვედრები და საუბრები საქართველოს პარლამენტის ადამიანის უფლებების და სამოქალაქო ინტეგრაციის კომიტეტის თავმჯდომარესთან სოფიო კილაძესთან, საქართველოს სახალხო დამცველთან ნინო ლომჯარიასთან და რელიგიური საკითხების სახელმწიფო სააგენტოს ხელმძღვანელთან ზაზა ვაშაყმაძესთან. გაიმართა შეხვედრები სხვა ქრისტიანული ეკლესიების წარმომადგენლებთან, მათ შორის ევანგელიურ-ბაპტისტური ეკლესიის ეპისკოპოსებთან, საქართველოს და სომხეთის სამოციქულო ნუნციუსთან და საქართველოს მართლმადიდებელი ეკლესიის საპატრიარქოში, რომელსაც მისი უწმიდესობის ილია მეორის თანამოსაყდრე მიტროპოლიტი შიო, ზუგდიდისა და ცაიშის მიტროპოლიტი გერასიმე და მანგლისისა და თეთრიწყაროს მიტროპოლიტი ანანია ესწრებოდნენ.

პარასკევს, 10 ივლისს ეპისკოპოსმა მარკუს შოხმა საქართველოს პრემიერ-მინისტრთან გიორგი გახარიასთან, რეგიონალური განვითარების და ინფრასტრუქტურის მინისტრთან მაია ცქიტიშვილთან და საქართველოში გერმანიის ელჩთან ჰუბერტ კნირშთან ერთად ასურეთის ლუთერული ეკლესია მოინახულეს. სულ ცოტა ხნის წინ დასრულდა ყოფილ გერმანულ დასახლება ელიზაბეთტალში ეკლესიის აღდგენითი სამუშაოები. ეპისკოპოსმა მარკუს შოხმა გამოთქვა იმედი, რომ ამ ისტორიულ ადგილას ჩატარდება ლუთერული ღვთისმსახურება. ამ ეკლესიას საქართველოს ევანგელიურ-ლუთერული ეკლესიის ისტორიაში გამორჩეული ადგილი უჭირავს.

შერიგების ეკლესიის ბაღში, სუფთა ჰაერზე შედგა ქალთა კლუბის პირველი შეხვედრა კორონავირუსით გამოწვეული შეზღუდვების მოხსნის შემდეგ დისტანცირების წესების დაცვით. მომავალში აქ გაიმართება სხვა სამრევლო ღონისძიებებიც.

ოთხშაბათს, 9 სექტემბერს თბილისის შერიგების ეკლესიაში კონსტანტინე გამსახურდია გვესტუმრა - საქართველოს ელჩი ბერლინში - და გიორგი ანდრიაძე თბილისის მეცნიერებათა აკადემიიდან.