ინკლუზიური პროექტი - მუსიკა ყველასთვის
2024 წლის სამების დღესასწაული
განსაკუთრებულ მოვლენად იქცა ჩვენს ეკლესიაში: ორმა ახალგაზრდამ, გიორგი ადამიამ და ელენე შოთაშვილმა ამ დღეს კონფირმაცია მიიღეს.
ELKG სიხარულით ულოცავს ორივეს!
დაე, მათ კვლავ და კვლავ განუცხადონ თანხმობა სამსახიერ ღმერთს.
ცენტრალურ ღვთისმსახურებაზე, რომელსაც ჩვენი ყველა სამრევლოს წარმომადგენლები ესწრებოდნენ, ხელი მოეწერა წევრობის ხელშეკრულებას ევროპის ევანგელიური ეკლესიების გაერთიანებასთნ
თბილისი, სელე, გერმანიის ტრომბონების ევანგელიურ დღეზე
ადგომა 2024
ეპისკოპოსი ბარაისი კამერუნში "პარტნიორულ მისიაზე"
იმყოფება კამერუნის პრესბიტერიანულ ეკლესიასა და სელე-ს შორის საეკლესიო პარტნიორობის დასამყარებლად. იქ ეპისკოპოსი ბარაისი შეხვდა თავის "ძველ ნაცნობს" ჯ. ბეტენკურტს, რომელიც ამჟამად კამერუნში ნუნციუსად მსახურობს.
ეკუმენური ღვთისმსახურება
ქრისტიანთა ერთიანობისთვის ლოცვა 19.01.2024
გიყვარდეს უფალი ღმერთი შენი და მოყვასი შენი, ვითარცა თავი შენი (ლუკა 10, 27)
შობა 2023
პირველი ადვენტი
სინოდი - 25.11.2023
ბავშვთა გუნდების ფესტივალი ასურეთში
7 ოქტომბერს
შაბათს, 7 ოქტომბერს, ასურეთის ძველ გერმანულ ლუთერულ ეკლესიაში ბავშვთა გუნდების ფესტივალი გაიმართა, რომელშიც მონაწილეობას იღებდნენ ჩვენი გუნდები რუსთავიდან, ბოლნისიდან, ბორჯომიდან, ასევე გუნდი ასურეთიდან. დიდი მადლობა ფესტივალის ყველა მონაწილეს, ასევე გერმანიის საელჩოს რეგიონის ადმინისტრაციასთან კონტაქტების დამყარებისთვის, რომელმაც ამ ფესტივალის ჩატარება შესაძლებელი გახადა, ასევე ადგილობრივ მმართველობას რჩევისა და ქმედითი მხარდაჭერისთვის. იმედია, ეს ფესტივალი მრავალ საკონცერტო და კულტურულ ღონისძიებას მისცემს დასაბამს. . .
სელე მთელი გულით ულოცავს Hoffnung für Osteuropa-ს 30 წლის იუბილეს
მადლობა თანადგომისა და სასოებისთვის, რომელიც თქვენგან მივიღეთ! ეპისკოპოსი ბარაისი საზეიმო ღონისძიებებს დაესწრო.
გარდა ამისა, ვულოცავთ ქალბატონ ირინა პეტერს Hoffnung für Europa-ს და Renovabis-ის კვლევითი ჯილდოს მოპოვებას, რომელიც სომხეთში შშმ ქალების ცხოვრების შესწავლას ითვალისწინებს.
სელეს დღის აღნიშვნა თბილისში ყველა სამრევლოს მონაწილეობით.
ეპისკოპოსთა კრება
7 - 10 სექტემბერი 2023
თეზეს ლოცვა
დიდი ხნის შემდეგ შაბათს, 18 იანვარს კვლავ გაიმართა სინათლის ღვთისმსახურება ანუ თეზეს ლოცვა თბილისის შერიგების ეკლესიაში. მედიტაციურ გარემოში სანთლების შუქზე გაისმა თეზეს სიმღერები, ბიბლიის ტექსტები და ეკლესიის დარბაზში სიმშვიდემ დაისადგურა.
თბილისის შერიგების ეკლესიაში უკვე ორჯერ გაიმართა სინათლის ღვთისმსახურება თეზეს სიმღერებით. საკურთხევლის წინ დანთებული ბევრი სანთელი და განმეორებითი სიმღერები ლამაზ, მედიტაციურ განწყობას ჰმნიდა. ღვთისმსახურების მონაწილეების მიერ წარმოთქმულ ლოცვებთან ერთად იყო ბიბლიური ტექსტები და სიჩუმის მომენტები. ასეთ დროს შეიძლებოდა მოსმენილზე დაფიქრება ან უბრალოდ სიწყნარით და სასიამოვნო გარემოთი ტკბობა. საკურთხევლის წინ ნახევარწრეში ვისხედით, იატაკზე კი თეზეს ჯვრის გარშემო ბევრი სანთელი ენთო.
ბოლო ღვთისმსახურებას მოხუცებულთა სახლის რამდენიმე ბინადარიც დაესწრო, რომლებიც ჩვენს ეკლესიაში პირველად იყვნენ. ბარბარა, რომელიც ზალტეტის სახლში ევრითმიას ატარებს, მათი მოსვლის მოტივატორი იყო. სტუმრებმა მოგვიანებით თქვეს: „ძალიან საინტერესო იყო, ძალიან მომეწონა. განსაკუთრებით სანთლები და ეკლესიის არქიტექტურა. შთამბეჭდავია საკურთხევლის ჯვარი. ეპისკოპოსი ავტორიტეტია. კარგი იყო. თვეში ერთხელ სიამოვნებით ვივლიდი. ბარბარა როცა იქნება, მეც მასთან ერთად მოვალ ორღანის მოსასმენად“ (მამაკაცი ზალტეტის ბინადარი). და ს.-მ, ქალმა ბინადარმა თქვა: „სიმღერა შესანიშნავი იყო. . . მართალია, ბევრი რამე ვერ დავინახე (ის თითქმის ვერ ხედავს - ავტორის შენიშვნა), მაგრამ სამაგიეროდ ბევრი რამ მოვისმინე. გულში მეც ვმღეროდი. . . მერე ეპისკოპოსთან მივედი და მისი კურთხევა მივიღე. ბედნიერი ვარ, მეც რომ გავედი გარეთ.“
წელიწადის ბნელ დროში ერთხელ მაინც უნდა მოვაწყოთ ხოლმე სინათლის ღვთისმსახურება.
ეპისკოპოსის კურთხევის ღვთისმსახურება 2023 წლის 22 იანვარს
„მაშინ მოვლენ აღმოსავლეთით და დასავლეთით, ჩრდილოეთით და სამხრეთით და ინახად დასხდებიან ღმრთის სასუფეველში“, ნათქვამია 22 იანვრისთვის განკუთვნილ სიტყვებში, რომელიც ამავდროულად საქართველოს და სამხრეთ კავკასიის ევანგელიურ-ლუთერული ეკლესიის ეპისკოპოსის როლფ ბარაისის კურთხევის დღე გახლდათ. იშვიათად მისადაგებია ეს სიტყვები ღვთისმსახურებას ისე, როგორც როლფ ბარაისის ეპისკოპოსად კურთხევის დღეს. ეს იყო მართლაც ეკუმენური, რელიგიათაშორისო და საერთაშორისო ღვთისმსახურება: ყოფილმა ეპისკოპოსმა კიდერლენმა, არქიეპისკოპოსმა პროვოროვმა და ეპისკოპოსმა გოლიმ (ვიურტემბერგის სამხარეო ეკლესია) მონაწილეობა მიიღეს კურთხევაში. მას აძლიერებდნენ ბაპტისტური ეკლესიის არქიეპისკოპოსი, რეგიონალური ეპისკოპოსი ჰრობონი/სლოვაკეთი და ჩვენი ეკლესიის პასტორები. სელეს „დედამ“ ქრისტიანე ჰუმელმა ეპისკოპოს როლფს საეპისკოპოსო ჯვარი გადასცა.
პასტორი როლფ ბარაისი ეპისკოპოსად აირჩიეს
პასტორი ბარაისი მაისიდან ხელმძღვანელობდა საქართველოს და სამხრეთ კავკასიის ევანგელიურ-ლუთერულ ეკლესიას საეპისკოპოსო ვიზიტატორის რანგში. შაბათს, 2022 წლის 19 ნოემბერს კი ის ეკლესიის სინოდზე ერთხმად აირჩიეს ახალ ეპისკოპოსად.
ჩვენ ვზეიმობთ მოსავლის მადლიერების დღესასწაულს 2022
პფალცის დიაკონია. სიახლეები. 18.07.2022
რწმენის, სიყვარულის და იმედის ტრიადა
„იმედი ევროპისთვის“ 29-ე აქციისადმი მიძღვნილი საზეიმო ღვთისმსახურება დევიზით „გავაძლიეროთ იმედი“
შპაიერი. დევიზით „გავაძლიეროთ იმედი“ კვირას შპაიერის პროტესტის მემორიალურ ეკლესიაში გაიმართა „ევროპისთვის იმედის“ 29-ე აქციისადმი მიძღვნილი საზეიმო ღვთისმსახურება, რომლის ფოკუსში წელს საქართველო იყო.
ღვთისმსახურებაზე ყველა ნოტაში იმედი ისმოდა. მუსიკალური თანხლება ქართულმა გუნდმა „გლორიამ“ ითავა ნატალია ჩაგანავას ხელმძღვანელობით და კატარინა გორტნერის ახალგაზრდულმა ტრომბონების გუნდმა მათიას ფითინგის მეთარობით. ღვთისმსახურება გახსნეს დეკანმა მარკუს იეკლემ, საქართველოს ევანგელიურ-ლუთერული ეკლესიის არჩეულმა ეპისკოპოსმა როლფ ბარაისმა და სამხარეო დიაკონიის პასტორმა ალბრეხტ ბერმა. მასში მონაწილეობდნენ ასევე პასტორი კორინა ვაისმანი, პრედიკანტი გიზელა ჰელვიგ-მაიერი და ყოფილი დეკანი არმინ იუნგი.
რწმენა, სიყვარული და იმედი: ამ ტრიადაში აერთიანებს ღმერთი ყველას, ვინც მის სიტყვას შეისმენს, აღნიშნა უფროსმა საეკლესიო მრჩეველმა მანფრედ ზუტერმა თავის ქადაგებაში. განსაკუთრებით ახლა ხდება ნათელი, რამდენად მნიშვნელოვანია იმედი, როგორც შუა ტონი სიყვარულის მაღალ ნოტებსა და რწმენის ბანს შორის. პანდემიის დროს, როდესაც ადამიანები მეტ მოვლას საჭიროებდნენ, ხოლო ახლა უკვე ევროპაში მძინვარე ომის ფონზე ადამიანებს იმედი სჭირდებათ, რომელიც შექმნილი ვითარებით კი არ დაკმაყოფილდება, არამედ მამაცად გაიბრძოლებს სირთულეების წინააღმდეგ. ზუტერმა ხაზი გაუსვა საქართველოს დიაკონიის საქმიანობას, რომელიც ადამიანებში იმედს აღვივებს.
ჩართულობა პარტნიორ ქვაყანაში საქართველოში
1999 წელს დაარსდა საქართველოს ევანგელიურ-ლუთერული დიაკონური საზოგადოება, როგორც საჯარო სამართლის კავშირი. ის შინ მოვლის და სამრევლო დიაკონიის სფეროში მუშაობს, ფლობს მოხუცებულთა თავშესაფარს, რამდენიმე უფასო სასადილოს, არიგებს პროდუქტებს და კონსულტაციას უწევს ადამიანებს მიგრანტული ბიოგრაფიით. 2019 წელს პფალცის დიაკონიამ დააფუძნა შინ მოვლის სამსახური საქართველოს მთიან რეგიონში დუშეთში და მას შემდეგ კურირებს მას. აქ მუშაობს 14 თანამშრომელი, მეტწილად დიპლომირებული ექთანი. ისინი ზრუნავენ ხანდაზმულ და მარტო მყოფ პაციენტებზე. დუშეთის რეგიონში, რომელიც სამხრეთ ოსეთის საზღვართან, თბილისიდან 65 კმ-ში მდებარეობს, 70-მდე ადამიანს ვუწევთ დახმარებას. შინ მოვლის სამსახური საქალაქო ადმინისტრაციებთან ერთად მუშაობს და ზრუნავს ყველა იმ ადამიანზე, ვისაც დახმარება ესაჭიროება ეთნიკური და რელიგიური მიკუთვნების მიუხედავად. მაისში გაიმართა თბილისის ევანგელიურ-ლუთერული ეკლესიის ახალგაზრდების და კირკელის კონფირმანტების შეხვედრა. პფალცში ისინი ქალაქ ჰომბურგის ზაარპფალცის გიმნაზიის სასკოლო გაცვლის ფარგლებში იყვნენ სტუმრად.
ბოლოს სამხარეო დიაკონიის პასტორმა ალბრეხტ ბერმა გახსნა „ევროპისთვის იმედის“ 29-ე აქციის დღე და ყველას შეგვახსენა, რომ ლოცვის და სუსტების დაცვის გარდა მნიშვნელოვანია ფულიც აღმოსავლეთ ევროპაში დიაკონიის ფუნქციონირებისთვის. Dა მხოლოდ მაშინ, თუ დიაკონია იმუშავებს, ის შეძლებს რეალობის შეცვლას და იმედის გავრცელებას.
ღვთისმახურების შემდეგ მემორიალური ეკლესიის სამრევლომ ყველანი მიღებაზე მიგვიპატიჟა.
ინფორმაცია ნახვა გერმანულ ენაზე შეგიძლიათ აქ
რელიგიათაშორისი საჭადრაკო ტურნირი
16 და 17 ივნისს ჭადრაკის სასახლეში რელიგიების საკითხების სახელმწიფო სააგენტოს და საქართველოს ჭადრაკის ფედერაციის ინიციატივით პირველი რელიგიათაშორისი ჩემპიონატი გაიმართა ჭადრაკში. მასში მონაწილეობა მიიღეს საქართველოში დარეგისტრირებული ეკლესიების და სხვა რელიგიური გაერთიანებების სამრევლოების წევრებმა.
რელიგიების სახელმწიფო სააგენტოს ინიციატივას საფუძვლად დაედო განათლების სამინისტროს გადაწყვეტილება, რომლის თანახმადაც მომავალი სასწავლო წლიდან ჭადრაკის სწავლება ზოგადსაგანმანათლებლო სკოლებში დაიწყება.
თბილისის შერიგების ეკლესიის მამაკაცთა კლუბის წევრებმა ტურნირში მონაწილეობა მიიღეს და მეოთხე ადგილი დაიკავეს. ვამაყობთ ჩვენი მამაკაცთა კლუბით!
ზაზა ვაშაყმაძემ, რელიგიის საკითხების სახელმწიფო სააგენტოს თავმჯდომარემ და გიორგი გიორგაძემ, საქართველოს ჭადრაკის ფედერაციის პრეზიდენტმა, გამარჯვებულებს სიგელები გადასცეს და მადლობა მოახსენეს მონაწილეობისთვის.
ჭადრაკის ტურნირის შესახებ ინფორმაცია შეგიძლიათ იხილოთ ამ ბმულზე:
https://www.facebook.com/ReligiisSaagento/videos/352347507040450
https://www.facebook.com/ReligiisSaagento/videos/740530700602496
საზეიმო ღვთისმსახურება 1 მაისში
საზეიმო ღვთისმსახურებაზე ზიარებით მივესალმეთ ჩვენი ეკლესიის მომავალ ეპისკოპოსს როლფ ბარაისს. მასთან მისასალმებლად ჩამოვიდნენ მრევლის წევრები საქართველოს ყველა სამრევლოდან.
"დაპირისპირება და პოლარიზაცია დაძლეული უნდა იქნას"
საქართველოს პრეზიდენტმა 2021 წლის 21 დეკემბერს ორბელიანის სასახლეში გამართული რელიგიური გაერთიანებების საშობაო და საახალწლო მიღების დროს ისაუბრა იმ ინიციატივის შესახებ, რომელიც ქართულ საზოგადოებაში არსებული განხეთქილების დაძლევას ემსახურება. “დღეს საზოგადოება დაიღალა დაპირისპირებით და პოლარიზაციით და სურვილი აქვთ, რომ გამოვიდეთ შექმნილი ჩიხური მდგომარეობიდან”, განაცხადა სალომე ზურაბიშვილმა. მან მოუწოდა რელიგიური გაერთიანებების წარმომადგენლებს, მხარი დაუჭირონ შერიგების ამ პროცესს, რომელიც შედეგად მოიტანს ურთიერთპატივისცემის და საქართველოში შემწყნარებლობის მრავალსაუკუნოვანი ტრადიციის აღდგენას. ეპისკოპოსმა მარკუს შოხმა აგრეთვე გამოთქვა შეშფოთება ქვეყანაში შექმნილი ვითარების გამო და საქართველოს ევანგელიურ-ლუთერული ეკლესიის სახელით დადებითად შეაფასა პრეზიდენტის ძალისხმევა. “იმედი მაქვს, საზოგადოება აზრთა სხვადასხვაობის მიუხედავად საერთო ენას იპოვის. გისურვებთ მოთმინებასა და სიბრძნეს ამ ინიციატივის განსახორციელებლად. ჩვენ, როგორც ლუთერული ეკლესია ჩვენი მხრივ წვლილს შევიტანთ ამ პროცესში”, ხაზი გაუსვა ეპისკოპოსმა მარკუს შოხმა პრეზიდენტისადმი მიმართვაში.
პასტორი როლფ ბარაისი დამტკიცებულია ახალ საეპისკოპოსო ვიზიტატორად
ორი წლის შემდეგ სელეს სინოდის შემდეგი სხდომა ჩატარდა
კორონავირუსის პანდემიის გამო სელეს სინოდი 2 წლის მანძილზე არ ჩატარებულა. 2021 წლის 4 დეკემბრის სხდომაზე დასწრება ვერ შეძლეს საქართველოს ფარგლებს გარეთ მდებარე სამრევლოების წარმომადგენლებმა. სინოდმა მიიღო 2022 წლის ბიუჯეტი და ამასთანავე გასული ორი წლის ფინანსური ანგარიში განიხილა.
სინოდმა სხდომაზე დაამტკიცა პრეზიდიუმის გადაწყვეტილება პასტორ როლფ ბარაისის სელეს საეპისკოპოსო ვიზიტატორად არჩევის თაობაზე. ის 2022 წლის 1 მაისს შეუდგება მოვალეობის შესრულებას, როგორც ეს გათვალისწინებულია ეკლესიის წესდებაში ეპისკოპოსის მსახურების შესახებ. “ძალიანმიხარია, რომჩემისაქმისგამგრძელებელივიპოვეთ”, აღნიშნა თავის გამოსვლაში ეპისკოპოსმა მარკუს შოხმა, რომელიც 2022 წლის გაზაფხულზე ვიურტემბერგის სამხარეო ეკლესიას დაუბრუნდება. “ესსაშუალებასმოგვცემს, მარტივადდაკარგადგადავლახოთგარდამავალიპერიოდიდასაქმეებისგადაბარება, სინოდსდასამრევლოებსკიშესაძლებლობამიეცემათ, აუჩქარებლადგაეცნონსაეპისკოპოსივიზიტატორსეპისკოპოსისპოსტზემისარჩევამდე”.
როლფ ბარაისი ვიურტემბერგის ევანგელიური სამხარეო ეკლესიის პასტორია და ამჟამად სანახევროდ ჰაიდენჰაიმის/ბრენცის საეკლესიო ოლქის მრევლის პასტორია, სანახევროდ კი გერმანიის ევანგელიური საყვირების საზოგადოების (epid.de) თავმჯდომარე. ჰყავს მეუღლე და 15-29 წლის ასაკის 5 შვილი. მართალია, ოჯახი საქართველოში საცხოვრებლად ვერ გადმოვა, თუმცა “ოჯახის მრჩეველთა საბჭომ მოიწონა ჩემი კანდიდატურასელეშიმსახურებისთვის”, თქვა ბარაისმა.
საქართველოს ევანგელიურ-ლუთერული ეკლესიის კანცელარიის შეტყობინება:
საქართველოსა და სამხრეთ კავკასიის ევანგელიურ-ლუთერული ეკლესიის (სელე) ეპისკოპოსი მარკუს შოხი აირჩიეს ვიურტემბერგის სამხარეო ეკლესიის როიტლინგენის პრელატურის პრელატად (რეგიონალურ ეპისკოპოსად). როიტლინგენის პრელატურა მოიცავს 12 საეკლესიო ოლქს 392 საეკლესიო სამრევლოთი და 598 000-მდე მრევლის წევრით. ამ თანამდებობას მარკუს შოხი 2022 წლის გაზაფხულიდან დაიკავებს, მანამდე კი თბილისში გააგრძელებს მსახურებას ეპისკოპოსის რანგში.
სინოდის პრეზიდიუმმა გადაწყვიტა, თხოვნით მიმართოს ვიურტემბერგის სამხარეო ეკლესიას, რათა მან კავკასიაში მოავლინოს საეპისკოპოსო ვიზიტატორი ეპისკოპოსის მოვალეობის შესასრულებლად. უკვე მიმდინარეობს მოლაპარაკებები და გვაქვს იმედი იმისა, რომ მომავალ წელს ვიურტემბერგიდან თბილისში შესაფერისი ადამიანი ჩამოვა. დეტალები მომდევნო დღეებში გაირკვევა. სინოდის პრეზიდიუმისთვის მნიშვნელოვანია, რომ ეკლესიას კარგი ხელმძღვანელი ეყოლება.
სხვა სიახლეებს და მონათხრობს სამრევლოებიდან, ასევე ‘საეკლესიო მაცნეს’ გამოცემებს ნახავთ ჩვენს “არქივში”.
სომხეთში დევნილებს მთიანი ყარაბაღიდან დახმარება სჭირდებათ
მიმართვა სამრევლოებს
ომი უკრაინაში
სიძულვილის და შეუწყნარებლობის წინააღმდეგ
სახალხო დაცველთან არსებული რელიგიათა საბჭოს განცხადება: ვგმობთ ძალადობას, არ მივესალმებით რელიგიური გრძნობების შეურაცხყოფის შესახებ კანონის ინიციატივიას
სახალხო დამცველის რეკომენდაციები რელიგიის თავისუფლებასთან დაკავშირებით
2020 წლის 24 სექტემბერს "საქართველოს სახალხო დამცველმა" (ომბუდსმენმა) რელიგიების საბჭოს სააგენტოსთან ერთად რელიგიის თავისუფლების და რელიგიური უმცირესობების საკითხთან დაკავშირებით ახალი რეკომენდაციები შეიმუშავა, რომლებიც წარედგინა საქართველოს მთავრობას და პარლამენტს. რეკომენდაციების ნახვა ქართულ და ინგლისურ ენაზე შეგიძლიათ აქ:
რელიგიური თავისუფლება და რესტიტუციის პოლიტიკა საქართველოში
ახალი ანგარიშები ტოლერანტობისა და მრავალფეროვნების ინსტიტუტისგან
ქართულმა არასამთავრობო ორგანიზაციამ „ტოლერანტობისა და მრავალფეროვნების ინსტიტუტმა“ (TDI), 2020 წლის მაისში გამოაქვეყნა ანგარიში საქართველოში რწმენისა და რელიგიის თავისუფლების ამჟამინდელი მდგომარეობის შესახებ. ეს მოხსენება შეგიძლიათ აქ იხილოთ ინგლისურ და ქართულ ენებზე.
2020 წლის 30 ივლისს გამოქვეყნდა დოკუმენტი საქართველოში რესტიტუციის პოლიტიკის შესახებ. ის მოიცავს მნიშვნელოვან ინფორმაციას ჩვენი ევანგელიურ-ლუთერული ეკელსიის შესახებაც. დოკუმენტის pdf-ვერსიის ნახვა ქართულ ენაზე შეგიძლიათ აქ.
ვიდეო-ღვთისმსახურებები
კორონა-ვირუსის პანდემიის დროს დაწესებულ შეზღუდვების გამო მრავალი თვეების მანზილზე არ ტარდებოდა ღვთისმსახურებები ჩვენს მრევლებში. ამ დროს ჩვენ ვიღებდით ვიდეო-ღვთისმსახურებებს, რომლებსაც აქ იხილავთ.
ახალ წლის ლოცვა
დახმარება ოჯახებისა და ბავშვებისთვის
Unicef- ის მიერ გამოქვეყნებული ბროშურა
ოჯახები და ბავშვები განსაკუთრებით განიცდიან მიმდინარე კრიზისს. ამრიგად, Unicef Georgia- მ გამოაქვეყნა სპეციალური სახელმძღვანელო ამ სიტუაციის მოსაგვარებლად, რომელსაც აქ ნახავთ, როგორც PDF დოკუმენტს.