არქივი

18-20 სექტემბერს ვიურტემბერგის სამხარეო ეპისკოპოსი ფრანკ ოტფრიდ იული და ვიურტემბერგის სამხარეო ეკლესიის საეკლესიო მრჩეველი კლაუს რიტი საქართველოს ევანგელიურ-ლუთერულ ეკლესიას ესტუმრნენ. გაიმართა შეხვედრები და საუბრები საქართველოს პარლამენტის ადამიანის უფლებების და სამოქალაქო ინტეგრაციის კომიტეტის თავმჯდომარესთან სოფიო კილაძესთან, საქართველოს სახალხო დამცველთან ნინო ლომჯარიასთან და რელიგიური საკითხების სახელმწიფო სააგენტოს ხელმძღვანელთან ზაზა ვაშაყმაძესთან. გაიმართა შეხვედრები სხვა ქრისტიანული ეკლესიების წარმომადგენლებთან, მათ შორის ევანგელიურ-ბაპტისტური ეკლესიის ეპისკოპოსებთან, საქართველოს და სომხეთის სამოციქულო ნუნციუსთან და საქართველოს მართლმადიდებელი ეკლესიის საპატრიარქოში, რომელსაც მისი უწმიდესობის ილია მეორის თანამოსაყდრე მიტროპოლიტი შიო, ზუგდიდისა და ცაიშის მიტროპოლიტი გერასიმე და მანგლისისა და თეთრიწყაროს მიტროპოლიტი ანანია ესწრებოდნენ.

2020 წ.. ოთხშაბათს, 9 სექტემბერს თბილისის შერიგების ეკლესიაში კონსტანტინე გამსახურდია გვესტუმრა - საქართველოს ელჩი ბერლინში - და გიორგი ანდრიაძე თბილისის მეცნიერებათა აკადემიიდან.

პარასკევს, 10 ივლისს ეპისკოპოსმა მარკუს შოხმა საქართველოს პრემიერ-მინისტრთან გიორგი გახარიასთან, რეგიონალური განვითარების და ინფრასტრუქტურის მინისტრთან მაია ცქიტიშვილთან და საქართველოში გერმანიის ელჩთან ჰუბერტ კნირშთან ერთად ასურეთის ლუთერული ეკლესია მოინახულეს. სულ ცოტა ხნის წინ დასრულდა ყოფილ გერმანულ დასახლება ელიზაბეთტალში ეკლესიის აღდგენითი სამუშაოები. ეპისკოპოსმა მარკუს შოხმა გამოთქვა იმედი, რომ ამ ისტორიულ ადგილას ჩატარდება ლუთერული ღვთისმსახურება. ამ ეკლესიას საქართველოს ევანგელიურ-ლუთერული ეკლესიის ისტორიაში გამორჩეული ადგილი უჭირავს.

2020 წლის 28 აპრილს, გერმანიის ფედერაციული რესპუბლიკის ელჩმა ჰუბერტ კნირშმა და გერმანიის საერთაშორისო თანამშრომლობის საზოგადოების (GIZ) წარმომადგენელმა, ჰანეს ჰეხლერმა, საქართველოს ევანგელიურ ლუთერულ ეკლესიას გადასცეს ადგილობრივად წარმოებული სამედიცინო ერთჯერადი სახის ნიღბები, ერთჯერადი ხელთათმანები, ხელის სადეზინფექციო საშუალებები და რამოდენიმე FFP 2 დამცავი ნიღაბი.

მადონა ურკევიჩმა, დიაკვნის საზოგადოების შინ მოვლის სამსახურის კოორდინატორმა, მადლობა გადაუხადა ელჩს და GIZ- ს წარმომადგენელს: "ეს არის მნიშვნელოვანი დახმარება ჩვენთვის, რათა გავაგრძელოთ ჩვენი პაციენტების კეთილდღეობისთვის მუშაობა." ეპისკოპოსმა მარკუს შოხმა დაამატა: ”ყველა თანამშრომლისა და პაციენტის სახელით, მადლობას გიხდით ამ რთულ დროს ჩვენი საქმიანობის მნიშვნელოვანი მხარდაჭერისთვის.”