ზალტეტის სახლში მოქმედებს 12 ადგილიანი მოხუცთა სახლი. თავდაპირველად, ის შეიქმნა გერმანელების შთამომავლებისა და მრევლის გაჭირვებული წევრებისათვის. დღესდღეობით აქ სხვა ეთნიკური და რელიგიური წარმომავლობისა მაცხოვრებლებზეც ზრუნავენ. აქ მოხვედრის მნიშვნელოვანი კრიტერიუმი არის გაჭირვება. მაცხოვრებლებს აქვთ დღეში 3-ჯერადი კვება, ექთნის 24-საათიანი მომსახურეობა და ასევე სამედიცინო დახმარება კვირაში ორჯერ. 

ზალტეტის სახლში ასევე მოქმედებს  სოციალური სასადილო, რომელის მცირე თანხის სანაცვლოდ ექვსი დღე კვირაში დაახლოებით 60 ადამიანს აძლევს კვების საშუალებას. გარდა ამისა, სოციალური სასადილოს მომხმარებლებს შეუძლიათ საჭიროების შემთხვევაში ზალტეტის სახლის სამედიცინო მომსახურეობით ისარგებლონ. 

ზალტეტის სახლში ასევე მდებარეობს მოხუცთა სახლის, სოციალური სასადილოს და სოციალური დახმარების ადმინისტრაცია. პირველ სართულზე განთავსებულია საკვირაო სკოლის, საეკლესიო გუნდის სარეპიტიციო და სამიგრაციო კონცულტაციების ოთახები. 

ზალტეტის სახლი ძირითადად ფინანსდება შემოწირულობებითა და  „საქართველოს ევანგელური ეკლესიისა და დიაკვნის საზოგადოების“ ფონდის მიერ.