თბილისის დასავლეთით, 150 კმ-ში მდებარე და მინერალური წყლით განთქმული კურორტის ბორჯომის სამრევლოს გერმანული ფესვები არ აქვს და ის ჩვენი ეკლესიის ერთადერთი სამრევლოა, სადაც მარტო ქართულად საუბრობენ. მრევლის წევრები ნაწილობრივ ახლომახლო მდებარე მთიანი სოფლებიდან არიან და სისტემატურად იკრიბებიან ბორჯომში სამრევლოს თავმჯდომარის სახლში ლოცვაზე და ბიბლიის გაკვეთილზე დასასწრებად.  ბავშვებთან მუშაობაც საკვირაო სკოლაში აქტიურად მიმდინარეობს. თვეში ერთხელ, შაბათობით, აქ თბილისიდან ჩამოდის პასტორი და მრევლთან ერთად ღვთისმსახურებას ატარებს წმიდა ზიარებიით. აქვე ფუნქციონირებს აქტიური დიაკონური საქმიანობა.