სურსათის პაკეტები

2002 წლიდან ტარდება “სურსათით დახმარების” აქცია. ამჟამად ჩვენს სამრევლოებში ყოველთვიურად 190 ადამიანი იღებს სურსათით დახმარებას ბრინჯის, წიწიბურას, მაკარონის, ფქვილის, ზეთის, შაქრის და ასევე შესქელებული რძის და ხორცის ან თევზის კონსერვის სახით. დახმარების მიმღებებს ჩვენი სამრევლო საბჭოები არჩევენ, სამრევლო დიაკონიის თანამშრომლები ამოწმებენ უპოვართა მდგომარეობას. დახმარების მიმღებების უმრავლესობა ჩვენი სამრევლოების ან გერმანელთა ასოციაცია “აინუნგის” წევრები არიან, თუმცა სხვა უპოვარებსაც ვეხმარებით. სურსათის პაკეტები თბილისში შერიგების ეკლესიაში რიგდება, გადაადგილება შეზღუდულ პირებს და დახმარების მიმღებებს რუსთავში, გარდაბანში, ბოლნისსა და ბორჯომში კი ჩვენი მძღოლები აწვდიან პაკეტებს.

გარდა ამისა, ყოველწლიურად ცივი სეზონის დადგომისთვის ტარდება ასევე „საშობაო პაკეტების აქცია“. დახმარების მიმღებ გერმანული წარმოშობის ადამიანების სიას ადრე გერმანული წითელი ჯვარი აგზავნიდა საქართველოში, ამჟამად ამ პაკეტების აქციას მთლიანად ჩვენი დიაკონური საზოგადოება ატარებს. მთელ საქართველოში თბილისიდან ბათუმამდე ქუთაისის და გორის გავლით ტევად პროდუქტების შეკვრას იღებენ ზამთრისათვის, რომელშიც ჰიგიენის საგნებიც შედის. ამ აქციას სოხუმის სამრევლო  აფხაზეთის 65 მაცხოვრებლისთვისაც ახორციელებს.

სურსათის პაკეტების ბევრი, მაგრამ არა ყველა მიმღები საქართველოში მცხოვრებ გერმანულ უმცირესობას მიეკუთვნება. გერმანული წარმოშობის ადამიანებისთვის გერმანიის შინაგან საქმეთა სამინისტროსგან (BMI) დახმარებას ვიღებთ, რომელიც ხარჯების ნახევარს ფარავს. დანარჩენ ხარჯებს და ასევე სამინისტროს დაფინანსების მიღმა დარჩენილი ბენეფიციარების დახმარების სახსრებს ჩვენი შემოწირულობებიდან თავად ვფარავთ.