ჩვენ ვართ ეკლესია, რომელსაც 200 წელზე მეტი ხნის ისტორია აქვს რეგიონში: ის მე-XIX საუკუნის დასაწყისში სამხრეთ კავკასიაში ჩამოსახლებულმა გერმანელებმა დააარსეს, რომლებმაც აქ ახალი სოფლები დააფუძნეს. მათთან ერთად დიდ ქალაქებში დასახლდნენ გერმანელმა ვაჭრებმა, ექიმებმა და მხატვრებმა.

ეს ისტორია დროებით შეწყდა საბჭოთა რეპრესიების პერიოდში და კავკასიის გერმანელთა შუა აზიაში დეპორტირების ჟამს. სამხრეთ კავკასიის სახელმწიფოების დამოუკიდებლობის აღდგენის შემდეგ, ჩვენი ლუთერული ეკლესიაც ხელახლა აღორძინდა. ჩვენი მრევლის წევრები სხვადასხვა ეთნიკურ და ენობრივ ჯგუფს მიეკუთვნებიან. სამრევლოები გვაქვს თბილისში, რუსთავში, გარდაბანში, ბოლნისში, ბორჯომში, ასურეთში, სოხუმში, აგრეთვე ერევანსა და ბაქოში.

აქ, ჩვენს ვებგვერდზე შეგიძლიათ მეტი შეიტყოთ ჩვენს შესახებ, გაიგოთ ჩვენს ისტორიაზე, ჩვენს მრევლზე, ჩვენს ჯგუფებზე და ასევე ჩვენს სოციალურ საქმიანობაზე - დიაკვნის საზოგადოებაზე. ძალიან გაგვიხარდება, თუ ჩვენთან კონტაქტს დაამყარებთ და ერთმანეთს პირადად გავიცნობთ. კეთილი იყოს თქვენი მობრძანება ჩვენთან!