საქართველოს ევანგელიურ-ლუთერული ეკლესია ინაწილებს
საქართველოს მართლმადიდებელი ეკლესიის სიხარულს და აღსავსეა მადლიერების გრძნობით, რამეთუ ჩვენს მართლმადიდებელ რწმენისმიერ დებსა და ძმებს ახალი კათოლიკოს-პატრიარქი ჰყავთ.
გიერთდებით ლოცვებით ახალი პატრიარქის შიო III და სრულიად საქართველოს მართლმადიდებელი ეკლესიის, ისევე როგორც ჩვენი საყვარელი ქვეყნის, საქართველოს საკეთილდღეოდ.
დაე, ყოვლისშემძლე ღმერთმა და წმიდა სამებამ აკურთხონ კათოლიკოს-პატრიარქი შიო III და აღავსონ ის ძალითა და სიხარულით მისი მსახურებისთვის.
დაე, უბოძოს ღმერთმა კათოლიკოს-პატრიარქ შიო III-ს ღია გული და ნათელი გონება მასზე მინდობილი მორწმუნეების საჭიროებებისათვის.
დაე, სიყვარულით და ღვთის სიხარულით აღავსოს ღმერთმა კათოლიკოს-პატრიარქი შიო III გადაწყვეტილებების მიღების დროს, რომელთა მიღებაც მას ყოველდღიურად მოუწევს მართლმადიდებელი ეკლესიის მეთაურის რანგში, რათა გააგრძელოს მან კათოლიკოს-პატრიარქ ილია II-ს უდიდესი ღვაწლი.
დაე, კათოლიკოს-პატრიარქ შიო III-ს მუდმივ თანამგზავრად ექცეს ღმერთი და კურთხევა არ მოაკლოს მას!
თეზეს ლოცვა
მედიტაციურ გარემოში სანთლების შუქზე გაისმა თეზეს სიმღერები, ბიბლიის ტექსტები და ეკლესიის დარბაზში სიმშვიდემ დაისადგურა. საკურთხევლის წინ დანთებული ბევრი სანთელი და განმეორებითი სიმღერები ლამაზ, მედიტაციურ განწყობას ჰმნიდა. ღვთისმსახურების მონაწილეების მიერ წარმოთქმულ ლოცვებთან ერთად იყო ბიბლიური ტექსტები და სიჩუმის მომენტები. ასეთ დროს შეიძლებოდა მოსმენილზე დაფიქრება ან უბრალოდ სიწყნარით და სასიამოვნო გარემოთი ტკბობა. საკურთხევლის წინ ნახევარწრეში ვისხედით, იატაკზე კი თეზეს ჯვრის გარშემო ბევრი სანთელი ენთო.
